Гүүний сүүг исгэж хийсэн, амин дэмээр баялаг, бага зэрэг спиртийн найрлагатай монгол түмний түгээмэл хэрэглэдэг, цангаа тайлдаг, өег, шим тэжээл ихтэй, эрүүл мэндэд тустай ундаа. Булган Сайхан, Могод, Өвөрхангай Хужирт, Хархорин, Бүрд, дундговь Эрдэнэдалай, Төв аймгийн Баян, Баянөнжүүл, Баянцагаан, Эрдэнэсант зэрэг сайхан айрагтай газар олон бий. Нэг литр гүүний айрганд 20г тос, 23г уураг, 35г чихэрлэг байх бөгөөд 453.7ккал илчлэгтэй. Зуны өдөр гүүг хоёр цаг тутамд нэг удаа саана, өдөрт саасан сүүг марлиар шүүн хөргөж байгаад орой хөхүүртээ хийн 3000-5000 удаа бүлээд орхиход өглөө исч сайхан болсон байна.
Гүүг саахад заавал хоёр хүн очдог, нэг нь сааж нөгөө нь унагаа татна. Гүүг анх барихад эхний саалтыг эрэгтэй хүн хийдэг. Гүү барьсан айл үрс гаргах, унага тамгалах, гүү тавих гэсэн гурван баяр хийдэг. Говь нутагт ингэ болон бог малын сүүгээр айраг хийдэг.
No comments:
Post a Comment